చంటి ఛానల్,సాలూర: భవిష్యత్తులో సరిహద్దు వివాదాలు తలెత్తకుండా శాశ్వత పరిష్కారం చూపేందుకే ప్రభుత్వం పారదర్శకంగా భూముల రీసర్వే చేపడుతోందని నిజామాబాద్ కలెక్టర్ ఇలా త్రిపాఠి తెలిపారు. శుక్రవారం సాలూర మండలం ఫతేపూర్‌లో రోవర్ సాంకేతికతతో జరుగుతున్న సర్వేను పరిశీలించిన ఆమె, రైతులకు ముందస్తు సమాచారం ఇచ్చి వారి సమక్షంలోనే రోజుకు సగటున 30 ఎకరాల చొప్పున పకడ్బందీగా సర్వే పూర్తి చేయాలని అధికారులను ఆదేశించారు; సందేహాలుంటే గ్రామ పంచాయతీ అధికారులను సంప్రదించాలని రైతులకు సూచించారు.
