చంటి ఛానల్,నిజామాబాద్: బోధన్ పట్టణ శివారు కాలనీల్లో నిర్మాణంలో ఉన్న ఇళ్ల నుంచి విద్యుత్ తీగలు, ప్లంబింగ్ సామాగ్రిని దొంగలు ఎత్తుకెళ్తున్నారు. పగటిపూట రెక్కీ నిర్వహించి, కాపలా లేని ఇళ్లలో అర్ధరాత్రి వేళల్లో ఈ చోరీలకు పాల్పడుతున్నారు. దీనివల్ల యజమానులు లక్షల రూపాయల ఆర్థిక నష్టానికి గురవుతున్నారు. ఈ నేపథ్యంలో పోలీసులు పెట్రోలింగ్ పెంచుతామని హామీ ఇస్తూనే, ఇళ్ల వద్ద సీసీ కెమెరాలు, కాపలాదారులను ఏర్పాటు చేసుకోవాలని యజమానులకు సూచించారు.
