చంటి ఛానల్,నిజామాబాద్: బోధన్ మండలం జాడిజమల్పూర్ గ్రామంలో విద్యుత్ షార్ట్ సర్క్యూట్ కారణంగా రైతు ఆలూరి రామకృష్ణకు చెందిన మొక్కజొన్న బస్తాలు పూర్తిగా కాలిబూడిదయ్యాయి. కంటిముందే శ్రమ అంతా అగ్నిపాలవడంతో బాధితుడు కన్నీరుమున్నీరవుతున్నాడు. చేతికందివచ్చిన పంటను కోల్పోయి తీవ్రంగా నష్టపోయిన సదరు రైతును ప్రభుత్వం, అధికారులు వెంటనే స్పందించి తగిన నష్టపరిహారంతో ఆదుకోవాలని గ్రామస్తులు, స్థానిక రైతులు కోరుతున్నారు.
