చంటి ఛానల్,నిజామాబాద్: బోధన్‌లోని ప్రసిద్ధ ‘వంద స్తంభాల గుడి’ ఇంద్రనారాయణ ఆలయాన్ని పురావస్తు శాఖ ఆధీనంలోకి తీసుకుని, చారిత్రక కట్టడంగా పరిరక్షించాలని చత్రపతి యువజన సంఘం డిమాండ్ చేసింది. శిథిలావస్థకు చేరుకుంటున్న ఈ ఆలయ అభివృద్ధి, పూజల అనుమతి విషయమై ప్రభుత్వ అధికారులకు ఇప్పటికే లీగల్ నోటీసులు పంపామని సంఘం అధ్యక్షుడు అడ్లూరి శ్రీనివాస్ తెలిపారు. 60 రోజుల్లోగా ప్రభుత్వం స్పందించకపోతే న్యాయపోరాటానికి దిగుతామని ఆయన హెచ్చరించారు.
