చంటి ఛానల్,బోధన్: హైదరాబాద్‌లోని బడా కార్పొరేట్ ఆస్పత్రులు సైతం “ఇక మా వల్ల కాదు.. బతకడం కష్టం” అని చేతులెత్తేసిన నిస్సహాయ స్థితిలో ఉన్న రోగులకు, నిజామాబాద్ జిల్లా బోధన్‌లోని లయన్స్ క్లబ్ జనరల్ హాస్పిటల్ పునర్జన్మను ప్రసాదిస్తూ వైద్య చరిత్రలో సరికొత్త అధ్యాయాన్ని లిఖిస్తోంది. ఎమ్మెల్యే సుదర్శన్ రెడ్డి అపారమైన నమ్మకం, లయన్స్ క్లబ్ ప్రతినిధి బసవేశ్వర రావు దార్శనికతతో రూపుదిద్దుకున్న ఈ ఆస్పత్రి, ఇప్పుడు సామాన్యుల పాలిట ‘సంజీవని’లా మారింది. 24 గంటల నిరంతర డాక్టర్ల పర్యవేక్షణ, అధునాతన వైద్య సదుపాయాలతో ప్రాణాపాయ స్థితిలో ఉన్న వారిని సైతం చిరునవ్వుతో ఇంటికి పంపిస్తుండటంతో పట్టణమంతా ఈ ఆస్పత్రి గురించే చర్చ జరుగుతోంది. కేవలం లాభాపేక్ష లేకుండా, ఓపీ ధరలను కనిష్ట స్థాయికి తగ్గించడమే కాకుండా, ఖరీదైన రక్త పరీక్షలను సగం ధరకే అందిస్తూ వైద్య దోపిడీకి చరమగీతం పాడుతోంది. వైద్యం అంటే వ్యాపారం కాదు, అంకితభావంతో కూడిన సేవ అని నిరూపిస్తున్న ఈ లయన్స్ క్లబ్ ఆస్పత్రి సేవలు, రానున్న రోజుల్లో మరెన్నో అద్భుతాలు సృష్టించేందుకు సిద్ధమవుతున్నాయి.
