చంటి ఛానల్, బోధన్: బోధన్ ప్రాంత ప్రజల సౌకర్యార్థం పాండు తర్ఫా వద్ద ‘సాండ్ బజార్’ ఏర్పాటు చేసినట్లు జిల్లా కలెక్టర్, సబ్ కలెక్టర్ వెల్లడించారు. ఇందిరమ్మ ఇళ్లు, ప్రైవేట్ ఇళ్లు నిర్మించుకునే వారు మీ సేవ (Meeseva) లేదా sand.telangana.gov.in వెబ్‌సైట్ ద్వారా ఆన్లైన్‌లో ఇసుక బుక్ చేసుకోవచ్చు. ఇందిరమ్మ ఇళ్ల లబ్ధిదారులు వార్డు ఆఫీసర్/పంచాయతీ కార్యదర్శి వద్ద కూపన్ పొంది, హౌసింగ్ ఏఈ మరియు తహసీల్దార్ సంతకాలతో మీ సేవలో బుకింగ్ చేసుకోవాలి. ధరకు సంబంధించి, ఇందిరమ్మ ఇళ్లకు మెట్రిక్ టన్నుకు ₹500 (ట్రాక్టర్‌కు ₹2,260), ప్రైవేట్ ఇళ్లకు టన్నుకు ₹875 (ట్రాక్టర్‌కు ₹3,842) గా నిర్ణయించారు. బుకింగ్ తర్వాత వచ్చే ఆర్డర్ కాపీని సాండ్ బజార్ వద్ద సమర్పించి, వే-బిల్ పొందిన అనంతరం ట్రాక్టర్ ద్వారా ఇసుకను తరలించుకోవచ్చని, రేపటి నుండి ఈ సేవలు అందరికీ అందుబాటులో ఉంటాయని అధికారులు తెలిపారు.
