చంటి ఛానల్,బోధన్: మున్సిపల్ ఎన్నికల వేళ బోధన్ రాజకీయ ముఖచిత్రం వేగంగా మారుతోంది. గత కొంతకాలంగా వినిపిస్తున్న ఊహాగానాలను నిజం చేస్తూ, బీజేపీ సీనియర్ కార్యకర్త రామరాజు ఈరోజు కాంగ్రెస్ పార్టీలో చేరారు. కాంగ్రెస్ జిల్లా అధ్యక్షుడి సమక్షంలో ఆయన పార్టీ తీర్థం పుచ్చుకోవడంతో బీజేపీ శ్రేణుల్లో ఒక్కసారిగా అలజడి మొదలైంది. ఎన్నికల వేళ తమ రాజకీయ భవిష్యత్తును పరీక్షించుకునేందుకు నాయకులు, కార్యకర్తలు పార్టీలు మారుతుండటంతో రాజకీయ చదరంగం రసవత్తరంగా మారింది. బీజేపీలో సుదీర్ఘ కాలం కొనసాగిన రామరాజు కాంగ్రెస్‌లోకి వెళ్లడం ఆ పార్టీకి గట్టి ఎదురుదెబ్బగా భావిస్తుండగా, ఈ ‘రాజకీయ లెక్కలు’ ఎన్నికల్లో ఎవరికి లాభిస్తాయో వేచి చూడాలి.
