చంటి ఛానల్,నిజామాబాద్: నిజామాబాద్ జిల్లా బోధన్ మండలం ఊట్‌పల్లి గ్రామ పరిసరాల్లో చిరుత పులి (Leopard) సంచరిస్తున్నట్లు వస్తున్న వార్తలు స్థానిక ప్రజలను భయాందోళనకు గురిచేస్తున్నాయి. గ్రామంలో చిరుత కదలికలపై సమాచారం అందుకున్న అటవీ శాఖ అధికారులు వెంటనే గ్రామాన్ని సందర్శించి తనిఖీలు చేపట్టారు. క్షేత్రస్థాయిలో పరిశీలన జరిపిన అధికారి చంద్ర ప్రకాష్ , అక్కడ లభించిన పాదముద్రలను బట్టి అది చిరుత పులి అయి ఉండవచ్చని ప్రాథమికంగా నిర్ధారించారు. ఈ నేపథ్యంలో గ్రామస్తులు ఎవరూ ఒంటరిగా పొలాలకు వెళ్లవద్దని, రాత్రి వేళల్లో అప్రమత్తంగా ఉండాలని అధికారులు హెచ్చరించారు. ముఖ్యంగా పశువుల కాపరులు తగిన జాగ్రత్తలు తీసుకోవాలని, ఏవైనా అనుమానాస్పద కదలికలు కనిపిస్తే వెంటనే అధికారులకు సమాచారం అందించాలని కోరారు.
